If you could go away, that would be great!

Helgin var alveg hreint geggjuð. Sjaldan upplifað annað eins. Uppúr hádegi á laugardag fórum við sex saman (Ég, Jens, Mummi, Sara, Helgi og Þórdís) + 2 hundar (Saku og Zero) til Mývatns. Fundum okkur góðan stað rétt sunnan við Höfða þar sem við parkeruðum. Vorum með 4 kajaka sem við skiptumst á að sigla á. Veðrið var alveg geðveikt, lygi líkast, og umhverfið ekki síðra. Sigldum fram á kvöld og komum okkur þá fyrir á tjaldsvæðinu og grilluðum. Það voru einhverjir geðstirðir Tékkar (ekki gúmmí-tékkar þó) við hliðina á okkur sem virtist ekki vera vel við okkur. Mumma og Helga virtist reyndar heldur ekki vera vel við þá. En nóg um það.

Á sunnudeginum fundum við okkur góðan stað við norður hluta vatnsins og sigldum meira í enn betra veðri en á laugardeginum. Enn heitara og alveg logn. Vorum með borð og stóla svo að þeir sem voru í landi gátu legið í sólbaði. Grilluðum svo þegar allir voru orðnir skaðbrunnir af sólinni og til að "kæla okkur niður" fórum við svo að lokum í Vogagjá.

Er hægt að biðja um það betra?

 p.s. kíkið endilega á myndirnar! Þær eru í albúminu.

Athugasemdir

[Mummi (IP-tala skráð) 22.8.2006 kl. 00:39]

Þokkalega snilldar helgi maður. Verðum að gera þetta e-n tíman aftur maður.
PS. Takk fyrir flatbökuna.... ég er enn saddur eftir þetta allt saman.

[Sara (IP-tala skráð) 22.8.2006 kl. 15:52]

Já suss maður....það náttúrulega bregst ekki þegar manni er boðið í mat til ykkar að maður eiginlega rúllar heim aftur....hrikalegt alveg!

En já við verðum að endurtaka þetta. Er stefnan ekki sett á sumarbústað þegar tekur að dimma með haustinu. Skella sér jafnvel í Grímsnesið og kveikja á nokkrum kertum.

[Anna Panna, 22.8.2006 kl. 16:19]

Takk sömuleiðis fyrir helgina, alveg hreint frábært.

En jú, ég væri til í Grímsnesið þegar hausta tekur, heldur betur!